Isa 47 | Ndebele | STEP | Yehla , uhlale othulini, ntombi emsulwa, ndodakazi yeBhabhiloni ; hlala emhlabathini ; akulasihlalo sobukhosi , ndodakazi yamaKhaladiya ; ngoba kawusayikubizwa ngokuthi uthambile njalo ubuthakathaka .

Isaiah 47

Ukuwa kweBhabhiloni

1 Yehla ^a, uhlale othulini, ntombi emsulwa, ndodakazi yeBhabhiloni ^b; hlala emhlabathini ^c; akulasihlalo sobukhosi ^d, ndodakazi yamaKhaladiya ^e; ngoba kawusayikubizwa ngokuthi uthambile njalo ubuthakathaka ^f. 2 Thatha amatshe okuchola ^g, uchole impuphu ^h, wembule isimbombozo sakho, ukhwince ilogwe, uveze umlenze ⁱ, uchaphe imifula. 3 Ubunqunu bakho buzakwembulwa ^j, yebo, ihlazo lakho libonakale. Ngizaphindisela ^k, ngingahlangani lawe njengomuntu ^l. 4 UMhlengi wethu ^{m
,} ⁿ, iNkosi yamabandla libizo lakhe, oyiNgcwele kaIsrayeli ^o. 5 Hlala ngokuthula ^p, ungene emnyameni ^q, ndodakazi yamaKhaladiya ^r; ngoba kawusayikubizwa ^s ngokuthi: Nkosikazi yemibuso ^t.

6 Ngabathukuthelela ^u abantu bami ^v, ngangcolisa ^w ilifa lami ^x, ngabanikela esandleni sakho; kawubenzelanga izihawu; walenza laba nzima kakhulu ijogwe lakho phezu komdala ^y.

7 Wena wathi ^z: Ngizakuba yinkosikazi njalonjalo ^aa; kawukabeki lezizinto enhliziyweni yakho ^ab, kawukhumbulanga isiphetho sakho ^ac. 8 Khathesi-ke zwana lokhu, wena ozithokozisayo, ohlezi uvikelekile ^ad, othi enhliziyweni yakho ^{ae
,} ^af: Yimi, njalo kakho omunye ngaphandle kwami ^ag; kangiyikuhlala okomfelokazi ^ah, kangiyikwazi ukufelwa ngabantwana ^ai. 9 Kodwa lezizinto ezimbili ^aj zizakwehlela ngokucwayiza kwelihlo ^ak ngasuku lunye ^al: Ukufelwa ngabantwana lobufelokazi ^am; kuzakwehlela phezu kwakho ngokuphelela kwakho, ngenxa yobunengi ^an bobuthakathi ^ao bakho, ngenxa yobunengi obukhulu bamalumbo akho ^{ap
,} ^aq. 10 Ngoba wathembela ebubini bakho ^ar, wathi: Kakho ongibonayo ^as. Inhlakanipho yakho lolwazi lwakho ^at khona kwakuphambula, wathi enhliziyweni yakho ^au: Yimi, njalo kakho omunye ngaphandle kwami. 11 Ngakho ububi buzakwehlela, kawusoze wazi lapho obenyuka khona; lengozi izakwehlela ^av, ongelakho ukwenza inhlawulo yokuthula ngayo; lencithakalo ^aw ihle ^ax yehlele phezu kwakho, ungazi ^ay. 12 Mana khathesi ^az ngamalumbo akho ^ba langobunengi bobuthakathi bakho ^bb otshikatshike kukho kusukela ebutsheni bakho ^bc; mhlawumbe uzakuba lakho ukuba lenzuzo, mhlawumbe unqobe. 13 Udiniwe ^bd ebunengini bamacebo akho; kakuthi basukume khathesi abahloli bamazulu ^be, abakhangela izinkanyezi, abazisa ngezinyanga, bakusindise kwezizakwehlela. 14 Khangela, bazakuba njengamabibi ^bf; umlilo uzabatshisa; kabayikuzophula emandleni elangabi; lingabikho ilahle lokotha, umlilo wokuhlala phambi kwawo ^bg. 15 Bazakuba njalo kuwe labo owatshikatshika labo, owathengiselana labo ^bh kusukela ebutsheni bakho; bazazulazula, ngulowo lalowo ngendlela yakhe; kakuyikuba lomsindisi wakho.